Google Analytics Dashboard: მონაცემები და KPI-ები ახლებურად
საჭირო ბიზნესმაჩვენებლების მისაღებად მარკეტინგულ გუნდებს სხვადასხვა ანგარიშთან და მონაცემთა ანალიზის ცალკეულ ინსტრუმენტებთან მუშაობა უწევთ. ადრე მონაცემთა უფრო მოქნილი ვიზუალიზაციების შესაქმნელად მარკეტინგული გუნდები დამატებით გადაწყვეტილებებს, კერძოდ, Data Studio-ს იყენებდნენ

Google Analytics Dashboard საშუალებას გაძლევთ, საკუთარი ანგარიშები და ვიზუალიზაციები უშუალოდ Google Analytics-ის ინტერფეისში შექმნათ. მოდით, განვიხილოთ, როგორ გვეხმარება ახალი გადაწყვეტა ძირითადი მაჩვენებლების ერთ სამუშაო სივრცეში გაერთიანებაში და მარკეტინგული აქტივობების შედეგების ანალიზის დაჩქარებაში.

Google Analytics Dashboard: რა შეიცვალა GA-ში
Google Analytics Dashboard-ის ახალი ფუნქციონალი ინდივიდუალურად მორგებული ანგარიშგების შესაძლებლობებს უშუალოდ GA-ში აერთიანებს. მომხმარებლებს შეუძლიათ, შექმნან ცალკეული დაფები საჭირო მეტრიკებით, მოარგონ მათი სტრუქტურა საკუთარ მოთხოვნებს და ბიზნესმიზნების შესაბამისი ანგარიშები მოამზადონ სხვადასხვა ანგარიშს შორის გადართვის გარეშე.
Dashboard-ის მთავარი თავისებურება სამუშაო სივრცის მოქნილი მორგებაა. მომხმარებლებს შეუძლიათ, დაფის სტრუქტურა დამოუკიდებლად შექმნან grid-based canvas-ის დახმარებით – ბადის სისტემა დიაგრამების ხელით განთავსების, გასწორებისა და ზომების მორგების შესაძლებლობას იძლევა, ხოლო drag-and-drop ფუნქციონალი საშუალებას გაძლევთ, განზომილებები და მეტრიკები მარტივად გადაიტანოთ დაფაზე.

გარდა ამისა, შექმნილი დაფა შეგიძლიათ მაშინვე გამოაქვეყნოთ მარცხენა სანავიგაციო პანელში, ბიბლიოთეკაში გადასვლის გარეშე.

მაგალითად, გუნდს შეუძლია, ცალკე Dashboard შექმნას შემდეგი მიზნებისთვის:
- ძირითადი მარკეტინგული KPI-ების კონტროლი;
- სარეკლამო არხების ეფექტიანობის ანალიზი;
- კონვერსიების თრექინგი;
- რეგულარული ბიზნესრეპორტინგი.
შედეგად, Google Analytics Dashboard გეხმარებათ, შექმნათ ერთიანი სამუშაო სივრცე ყველაზე მნიშვნელოვან მაჩვენებლებთან მუშაობისთვის და მონაცემთა წარმოდგენა გუნდების კონკრეტულ ამოცანებს მოარგოთ.
რა ვიზუალიზაციებია ხელმისაწვდომი Google Analytics Dashboard-ში
Google Analytics Dashboard-ის ერთ-ერთი ძირითადი შესაძლებლობა მონაცემთა წარმოდგენის სხვადასხვა ფორმატის არჩევაა. ეს საშუალებას გაძლევთ, ანგარიშგება კონკრეტულ ამოცანებს მოარგოთ: ძირითადი KPI-ების სწრაფი კონტროლიდან ცალკეული მაჩვენებლების დეტალურ ანალიზამდე.
Dashboard-ში ხელმისაწვდომია ვიზუალიზაციის შემდეგი ტიპები:
- Score cards – კომპაქტური ფორმატი ძირითადი KPI-ების წარმოსადგენად. საჭიროების შემთხვევაში, ბარათებს შეუძლიათ, აჩვენონ მაჩვენებლების ცვლილებები წინა პერიოდთან შედარებით.
- Table charts – ცხრილები მონაცემთა დეტალური ანალიზისთვის, დამატებითი ფორმატირებისა და გვერდებად დაყოფის შესაძლებლობით.
- Line charts – გრაფიკები მაჩვენებლების დროში ცვლილების თრექინგისთვის, დღეების, კვირების ან თვეების მიხედვით ანალიზის შესაძლებლობით.
- Bar charts – ვერტიკალური და ჰორიზონტალური გრაფიკები სხვადასხვა კატეგორიას შორის მაჩვენებლების შესადარებლად.
- Donut charts – ვიზუალიზაცია, რომელიც გეხმარებათ, გაიგოთ, რა როლს ასრულებს ცალკეული ნაწილები საერთო სურათში.
- Funnel charts – ინსტრუმენტი კონვერსიის ძაბრის ეტაპების გასაანალიზებლად და იმ წერტილების გამოსავლენად, რომლებზეც მომხმარებლები ურთიერთქმედებას წყვეტენ.

ვიზუალიზაციების ასეთი ნაკრების წყალობით, ანგარიშგების ახალი ფორმატი შეგიძლიათ მოარგოთ როგორც კამპანიების ყოველდღიურ მონიტორინგს, ისე რეგულარულ ბიზნესრეპორტინგს.
GA-ში დაფებზე წვდომის დონეები
Google Analytics Dashboard-თან მუშაობა დამოკიდებულია მომხმარებლის წვდომის დონეზე GA Property-ზე. საკუთარი დაფების შექმნა და გამოქვეყნება შეუძლიათ Editor ან Administrator როლის მქონე მომხმარებლებს, ხოლო გუნდის სხვა წევრებს გამოქვეყნებული ანგარიშების ნახვა შეუძლიათ, თუ Property-ზე წვდომა აქვთ.
Dashboard-ის შექმნის პროცესი რამდენიმე ძირითადი ეტაპისგან შედგება:
- Google Analytics-ში Reports განყოფილებაში გადასვლა.
- ახალი დაფის შექმნა ან არსებულის რედაქტირება.
- საჭირო ვიზუალიზაციების დამატება და შესაბამისი მეტრიკებისა და განზომილებების შერჩევა.
- მონაცემთა წარმოდგენის მორგება გუნდის ამოცანებზე.
- Dashboard-ის შენახვა და გამოქვეყნება GA-ს სანავიგაციო მენიუში.
გამოქვეყნების შემდეგ Dashboard-ის ნახვა შეუძლია ყველა მომხმარებელს, რომელსაც Property-ზე წვდომა აქვს. ეს გუნდებს საშუალებას აძლევს, იმუშაონ ანგარიშგების ერთიანი ფორმატით და ყოველდღიურ ანალიტიკაში ძირითადი მაჩვენებლების ერთსა და იმავე ნაკრებს იყენებდნენ.
რა უნდა გაითვალისწინოთ Google Analytics Dashboard-თან მუშაობისას
პერსონალიზაციის ფართო შესაძლებლობების მიუხედავად, Google Analytics Dashboard-ს გარკვეული შეზღუდვები აქვს, რომლებიც ანგარიშგების ორგანიზებისას უნდა გაითვალისწინოთ.
ერთ Dashboard-ში ვიზუალიზაციების რაოდენობა დამოკიდებულია Google Analytics-ის იმ ვერსიაზე, რომელსაც იყენებთ: სტანდარტული GA მხარს უჭერს 15-მდე ბარათს, ხოლო GA360 – 30-მდე ბარათს.
ასევე მნიშვნელოვანია გაითვალისწინოთ, რომ გამოქვეყნებული დაფები ხელმისაწვდომია მთელი Property-ის დონეზე, ხოლო ცალკეული შესაძლებლობები, როგორიცაა API-ის მეშვეობით მუშაობა, სეგმენტების გამოყენება ან ცალკეული ბარათების დონეზე შედარება, ამჟამად მხარდაჭერილი არ არის.
Dashboard-ის შექმნამდე მნიშვნელოვანია, განსაზღვროთ კომპანიის ძირითადი ბიზნესამოცანები და ცალკეული გუნდების KPI-ები, ასევე შეარჩიოთ საჭირო მეტრიკები, რომლებიც დაგეხმარებათ, თვალყური ადევნოთ თქვენს ვებსაიტსა და მობილურ აპლიკაციაში ყოველდღიურ აქტივობას, მარკეტინგულ აქტივაციებსა და საერთო ტენდენციებს. ეფექტიანი რეპორტინგი იწყება არა გრაფიკების რაოდენობით, არამედ Google Analytics-ში სწორად აწყობილი გაზომვის სისტემით.
CoobX-ის გუნდი ბიზნესს ეხმარება საიმედო ანალიტიკური ინფრასტრუქტურის შექმნაში: Google Analytics-ში მონაცემთა შეგროვების გამართვიდან მიღებული შედეგების მონიტორინგისა და ანალიზის ეფექტიანი სისტემის შექმნამდე, ეფექტიანი ბიზნესგადაწყვეტილებების მისაღებად.
თქვენი არსებული ანალიტიკური სისტემის დიაგნოსტიკისთვის მიმართეთ ჩვენს ექსპერტებს.